申請美國簽證 (出發秘魯前準備)

香港人想進入美國國境或途經美國轉機都需要申請簽證. (台灣人民2012年10月已經可以免簽證 =.=)
先去申請美國簽證官方網站, 填一份有好多問題要答的表格    DS-160.
填寫完後記得去下圖"登入"開一個網上帳戶.

24小時後就再登入帳戶, 就會見到有個付款barcode. 打印出來或用手機影低就可以去7-11便利店繳交簽證費用.
下午5:00前繳費就可以當晚11:00後再登入網站預約面試.
雖然填寫DS-160 時已經上載相片, 但面試時都需要帶多一張證件相. 個人意見帶定$50玩散銀, 因為如果當日職員覺得你張相唔符合規格, 佢會要求你即場再影. 但影相機只可用$20, $10, $5 同 $1.
同時記得帶備確認信, DS-160, 公司信. 有機票或行程安排最好帶備.

**文中圖片來自美國簽證官方網站**